Thiruppavai by Sri B. Sree Rama Murthy

ಪದ್ಯ - ೧೧.
ಕರು ಹಾಕಿದ ಅನೇಕ ಗೋವುಗಳ ಹಾಲು ಕರೆದು ಶತೃಗಳ ಬಿಲವನ್ನು ನಾಶ ಮಾಡಲು ದಂಡು ಕೊಂಡೊಯ್ದು ಯುದ್ಧಮಾಡಬಲ್ಲ ನಿರ್ದೋಷಿಗಳಾದ ಗೋಪಾಲರವಂಶಕ್ಕೆ ಚಿನ್ನದಬಳ್ಳಿಯಂತೆ ಕಾಂತಿ ತರುವವಳೇ, ಹುತ್ತದಲ್ಲಿನ ಹಾವಿನಂತೆ ಸುಂದರ ನಿತಂಬವುಳ್ಳವಳೇ, ಕಾಡುನವಿಲಿನ ಗರಿಯಂತೆ ನೀಳ ಕೇಶವುಳ್ಳವಳೇನೀನು ಎದ್ದು ಹೊರಟು ಬಾ. ಸುತ್ತಮುತ್ತಿನ ಸಖಿಯರು ಎಲ್ಲರೂ ಬಂದು ನಿನ್ನ ಮನೆಯ ಅಂಗಳದಲ್ಲಿ ನಿಂತು ಮೇಘ ವರ್ಣನಾದ ಭಗವಂತನ ನಾಮ ಸಂಕೀರ್ತನೆಮಾಡಿದರೂ ವಿಚಲಿಸದೇ ಮಾತನಾಡದೇ, ಸುಮ್ಮನಿರುವ ಪರಮ ಐಶ್ವರ್ಯವುಳ್ಳ ಸ್ತ್ರೀಯೇ, ಇನ್ನೂ ಏಕೆ ನಿದ್ರಿಸುವೆ? ಎದ್ದು ಬಂದು ನಮ್ಮೊಡನೆ ಸೇರಿಕೊ.ನಮ್ಮವ್ರತವು ಸಿದ್ದಿಸಲಿ.