tiruppaavai pravachana maalike

ತಿರುಮಲ ತಿರುಪತಿ ದೇವಸ್ಥಾನಗಳು, ತಿರುಪತಿಯ ಆಳ್ವಾರ್ ದಿವ್ಯ ಪ್ರಬಂಧ ಪ್ರಾಜೆಕ್ಟ್, ರವರಿಂದ 

ತಿರುಪ್ಪಾವೈ ಪ್ರವಚನ ಮಾಲಿಕೆ. 

ದಿನಾಂಕ : 15-12-2009 ರಿಂದ  14-1-2009 ರವರೆಗೆ 

ಪ್ರವಚನಕಾರರು: ಶ್ರೀಮಾನ್ ಬಿ. ಶ್ರೀರಾಮಮೂರ್ತಿ, ಚಿಂತಾಮಣಿ,  ರವರಿಂದ 

ಸ್ಥಳ: ಶ್ರೀ ಬ್ರಹ್ಮಚೈತನ್ಯ ಶ್ರೀ ರಾಮ ಮಂದಿರದ ಹರಿ ಕೀರ್ತನ ಮಂದಿರದಲ್ಲಿ.

ಸಮಯ: ಬೆಳಿಗ್ಗೆ: 11 ಗಂಟೆಗೆ .

ದಿನಾಂಕ: 11-1-2010  ಸೋಮವಾರ ಸಂಜೆ 6-30 ಕ್ಕೆ  "ಶ್ರೀ ಅಂದಾಲ್  ರಮ್ಗಮನ್ನಾರ್ ತಿರುಕಲ್ಯಾಣ ಮಹೋತ್ಸವ " ಏರ್ಪಡಿಸಲಾಗಿದೆ.

ಆಸ್ತಿಕ ಮಹಾಶಯರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ ಭಗವತ್ಕ್ರುಪೆಗೆ ಪಾತ್ರರಾಗಬೇಕಾಗಿ ಪ್ರಾರ್ಥನೆ   .

ಶ್ರೀ ಕೈವಲ್ಯಾನಂದ ಸ್ವಾಮಿಯವರಿಂದ ಪ್ರವಚನ

Chintamani Gayana Samaja
Chintamani Gayana Kala Trust

intending to construct a building for the propsed college of Music (Sangeetha Maha Vidyalaya) in the 100x100 ft site donated by Sri N.S. Prabhakar, in the Prabhakara Extension,Chintamani, have arranged a benefit programme of classical music ricital by
Padma Vibhushana

Dr. M. Bala Murali Krishna and party
Venue: S.L.N. Theatre
on 20-9-2009, Sunday at 6-30 p.m.

Tickets Rated at Rs.1000=oo and Rs.500=00
The amount thus collected after deducting the expenses will go to the construction of the Music College.
You are requested to buy the tickets and thus participate in the cause of the Music.

--Chintamani gayana samaja
Chintamani Gaana kalaa Trust.

ಗೀತಾ ಮಂದಿರದಲ್ಲಿ ಗೋಕುಲಾಷ್ಟಮಿ ಮಹೋತ್ಸವ

ಶ್ರೀ ರಾಘವೇಂದ್ರ ಸ್ವಾಮಿಗಳ ಆರಾಧನಾ ಮಹೋತ್ಸವ

ಚಿಂತಾಮಣಿಯ ಶ್ರೀ ರಾಘವೇಂದ್ರ ಸ್ವಾಮೀ ಸೇವಾ ಟ್ರಸ್ಟ್ ನವರ ಆಶ್ರಯ ದಲ್ಲಿ ಶ್ರೀ ರಾಘವೇಂದ್ರ ಸ್ವಾಮೀ ಗಳವರ ಆರಾಧನೆಯನ್ನು ಮೂರು ದಿನಗಳ ವಿಶೇಷ ಪೂಜಾ ಹಾಗೂ ಸಾಂಸ್ಕೃತಿಕ ಕಾರ್ಯ ಕ್ರಮಗಳೊಂದಿಗೆ ವಿಜೃಂಭಣೆಯಿಂದ ನೆರವೇರುತ್ತಿದೆ.


ಶ್ರೀ ರಾಘವೇಂದ್ರ ಸ್ವಾಮಿಗಳ ಆರಾಧನಾ ಅಂಗವಾಗಿ ಒಂದು ಭಜನ ಸಂಗ್ರಹ " ಆರಾಧನಾ ಕೈಪಿಡಿ - ೨ " ಎಂಬ ಪುಸ್ತಕವನ್ನು ಹೊರತಂದಿರುವರು.

ಚಿಂತಾಮಣಿ ಗಾಯನ ಸಮಾಜ,

ಕೈವಾರದಲ್ಲಿ ಗುರುಪೂಜಾ ಮಹೋತ್ಸವ - ಶ್ರೀ ಯೋಗಿನಾರೇಯಣ ಮಠ

Tiruppavai Lectures- by Sri B. Sree Rama Murthy

ಪದ್ಯ- ೩೦

ಹಡಗುಗಳುಳ್ಳ ಸಮುದ್ರವನ್ನು ಕಡೆದ ಸರ್ವೇಶ್ವರನಾದ ಮಾಧವನೂ, ಕೇಶವನೂ ಆದ ಶ್ರೀ ಕೃಷ್ಣನನ್ನು ಪೂರ್ಣಚಂದ್ರನಂತೆ ಮುಖವುಳ್ಳ ದಿವ್ಯ ಆಭರಣಗಳನ್ನು ಧರಿಸಿರುವ ಗೋಪಿಯರು ಅವನ ಬಳಿ ಬಂದು ಅವನ್ನನ್ನು ನಮಸ್ಕರಿಸಿ ಸ್ತುತಿಸಿ ಆ ಗೋಕುಲದಲ್ಲಿ ತಮಗೆ ಇಷ್ಟವಾದ ಪುರುಷಾರ್ಥವನ್ನು ಪಡೆದ ಪ್ರಕಾರವನ್ನು ಸುಂದರವಾದ ಶ್ರೀ ವಿಲ್ಲಿ ಪುತ್ತೂರಿನಲ್ಲಿ ಶೀತಳವಾದ ಕಮಲಪುಷ್ಪದ ಜಪಮಣಿಹಾರವನ್ನು ಧರಿಸಿರುವ ಬ್ರಾಹ್ಮಣೋತ್ತಮರಾದ ಶ್ರೀ ವಿಷ್ನುಚಿತ್ತರ ಮಗಳಾದ ಗೋದಾದೇವಿಯು ಹೇಳಿದ ಉತ್ತಮ ತಮಿಳು ಭಾಷೆಯಲ್ಲಿರುವ, ಮಾಲೆಯಂತಿರುವ, ಈ ಮೂವತ್ತು ಪಾಶುರಗಳನ್ನು(ಪದ್ಯ) ಒಂದು ಪಾಶುರವನ್ನೂ ಬಿಡದೆ ಈ ಭೂಲೋಕದಲ್ಲಿ ಅನುಸಂಧಾನ ಮಾಡುವವರು ನಾಲ್ಕು ಬೆಟ್ಟಗಳಂತೆ ಉನ್ನತವಾಗಿರುವ ಚತುರ್ಭುಜಗಳಿಂದ ಶೋಭಿಸುವ ಕೆಂಪಾದ ದಿವ್ಯ ನೇತ್ರಗಳುಳ್ಳ ಸುಂದರವಾದ ಮುಖಾರವಿಂದವನ್ನು ಪಡೆದಿರುವ ಶ್ರೀಪತಿಯಾದ ಪರಮಾತ್ಮನಿಂದ ಇಹ ಪರಗಳೆರಡರಲ್ಲೂ, ಎಲ್ಲೆಲ್ಲೂ, ಶ್ರೀ ಸಹಿತನಾದ ಪರಮಾತ್ಮನ ಪರಮಾತ್ಮನ ಪರಮಾನುಗ್ರಹವನ್ನು ಪಡೆದು ಪರಮಾನಂದಭರಿತರಾಗುವರು. ನಮ್ಮ ಅದ್ವಿತೀಯವಾದ ವ್ರತವು ಶುಭವಾಗಿ ನೆರವೇರುವುದು.

ತಿರುಪ್ಪಾವೈ- ಶ್ರೀ ಬಿ. ಶ್ರೀ ರಾಮಮೂರ್ತಿಯವರಿಂದ

ಪದ್ಯ-
೨೯ಪ್ರಾತಃ ಕಾಲದಲ್ಲಿ ನಾವೆಲ್ಲರೂ ಬಂದು ನಿನಗೆ ನಮಸ್ಕರಿಸಿ, ಪೂಜಿಸಿ, ಕಮಲದಂತಿರುವ ನಿನ್ನ ದಿವ್ಯ ಪಾದಗಳನ್ನು ಸ್ತುತಿಸಿ ಮಂಗಳಾಶಾಸನ ಮಾಡುವುದರ ಪ್ರಯೋಜನವನ್ನು ಕೇಳುವವನಾಗು. ಹಸುಗಳನ್ನು ಪೋಷಿಸಿ ಅವುಗಳಿಂದ ಜೀವನ ಸಾಗಿಸುವ ನಮ್ಮ ಗೋಕುಲದಲ್ಲಿ ಹುಟ್ಟಿರುವ ನೀನು ನಮ್ಮಿಂದ ಸೇವಾಕಾರ್ಯಗಳನ್ನು ಅಂಗೀಕರಿಸದೆ ಇರಬೇಡ. ಗೋವಿಂದನೇ! ನಾವು ಈಸರೈ ಯೆಂಬ ವಾದ್ಯವನ್ನು ನುಡಿಸುತ್ತಾ ಬಂದಿರುವದರಲ್ಲಿ ಎಂದೆಂದಿಗೂ ಅಂದರೆ ಏಳು ಏಳು ಜನ್ಮಗಳಲ್ಲಿಯೂ ನಿನ್ನೊಂದಿಗೆ ಸಂಬಂಧ ಪಡೆದವರಾಗಿರಬೇಕು. ನಿನಗೆ ನಾವೆಲ್ಲರೂ ದಾಸರಾಗಿ ಕೈಂಕರ್ಯ (ಸೇವೆ) ಮಾಡುತ್ತೇವೆ. ನಮ್ಮ ಇತರ ಸ್ವಾರ್ಥ, ಆಸೆಗಳನ್ನೆಲ್ಲಾ ನಿನ್ನನ್ನು ಹೊಂದುವ ಸಲುವಾಗಿ ಮಾರ್ಪಡಿಸು. ನಮ್ಮ ಅದ್ವಿತೀಯವಾದ ವ್ರತವು ಶುಭವಾಗಿ ನೆರವೇರುತ್ತದೆ.

Tiruppaavai lectures by Sri B. Sree Rama Murthy

ಪದ್ಯ - ೨೮

ಹಸುಗಳನ್ನು ಮೇಯಿಸುತ್ತಾ ಕಾಡನ್ನು ಸೇರಿ ಅಲ್ಲಿಯೇ ಊಟಮಾಡುವೆವು. ಏನೂ ಅರಿಯದ ಅಮಾಯಕ ಗೋಕುಲವೆಂಬ ಹಳ್ಳಿಯಲ್ಲಿ ಹುಟ್ಟಿರುವ ನಾವು ನಿನ್ನನ್ನು ನಮ್ಮ ಬಂಧುವಾಗಿ ಪಡೆಯುವ ಭಾಗ್ಯವನ್ನು ಪಡೆದಿದ್ದೇವೆ. ಯಾವ ಕೊರತೆಯೂ ಇಲ್ಲದ ಗೋವಿಂದನೇ! ನಿನ್ನೊಂದಿಗೆ ನಮಗಿರುವ ಸಂಭಂದವು ಯಾರಿಂದಲೂ ಬೇರ್ಪಡಿಸಲಾಗದು. ನಾವು ಏನೂ ಅರಿಯದ ಬಾಲೆಯರು. ಪ್ರೀತಿಯಿಂದ ನಿನ್ನನ್ನು ಚಿಕ್ಕಚಿಕ್ಕ ಹೆಸರುಗಳಿಂದ ಕರೆದಿದ್ದೇವೆ. ಕೋಪಿಸಿಕೊಳ್ಳಬೇಡಸ್ವಾಮಿಯೇ! ನಮ್ಮ ಇಷ್ಟಾರ್ಥಗಳನ್ನು ನೀನೇ ಅನುಗ್ರಹಿಸು. ನಮ್ಮ ಅದ್ವಿತೀಯವಾದ ವ್ರತವು ಶುಭವಾಗಿ ನೆರವೇರುವುದು.

Tiruppaavai lectures by Sri B. Sree Rama Muthy

ಪದ್ಯ - ೨೭

ಶತೃಗಳನ್ನು ಜಯಿಸುವ ಗೋವಿಂದ ! ಗೋವುಗಳನ್ನು ರಕ್ಷಿಸುವ ಸ್ವಾಮಿಯೇ! ನಿನ್ನನ್ನು ಸಂಕೀರ್ತನೆಮಾಡಿ ನಿನ್ನಿಂದ ಕೈಂಕರ್ಯರೂಪವಾದ ವಾದ್ಯಗಳನ್ನು ಸ್ವೀಕರಿಸಿ ನಾವು ಪಡೆಯುವ ಸನ್ಮಾನಗಳೆಂದರೆ ಲೋಕವೆಲ್ಲಾ ಹೊಗಳುವ ಹಸ್ತಾಭರಣಗಳೂ, ತೋಳುಬಳೆಗಳೂ, ಕರ್ಣಾಭರಣಗಳೂ, ಕರ್ಣಪುಷ್ಪಗಳೂ, ಪಾದಾಭರಣಗಳೂ ಮುಂತಾದ ಅನೇಕ ವಿಧವಾದ ಆಭರಣಗಳನ್ನು ನಾವು ಧರಿಸುವೆವು. ಒಳ್ಳೆಯ ವಸ್ತ್ರಗಳನ್ನು ನಾವು ವುಡುತ್ತೇವೆ. ಅದಾದ ಮೇಲೆ, ಹಾಲಿನ ಅನ್ನವನ್ನು ಅದು ಮುಳುಗುವಷ್ಟು ತುಪ್ಪ ಬೆರಸಿ ನಿನ್ನೊಂದಿಗೆ ಸೇರಿ ಎಲ್ಲರೂಒ ಭುಜಿಸಿ ಸಂತೋಷಪಡುತ್ತೇವೆ. ಆಗ ನಮ್ಮ ಅದ್ವಿತೀಯವಾದ ವ್ರತವು ಸಿದ್ಧಿಸುತ್ತದೆ.

ತಿರುಪ್ಪಾವೈ-ಶ್ರೀ ಬಿ. ಶ್ರೀರಾಮಮೂರ್ತಿಯವರಿಂದ

ಪದ್ಯ - ೨೬
ಭಕ್ತರಲ್ಲಿ ವಿಶೇಷವಾದ ಅಭಿಮಾನ ವುಳ್ಳವನೇ! ಮಾಣಿಕ್ಯ ಮಣಿಯಂತೆ ಪ್ರಕಾಶವಾದ ಬಣ್ಣವುಳ್ಳವನೇ, ಮಾರ್ಗಶಿರ ಮಾಸದ ಸ್ನಾನವ್ರತವನ್ನು ಮಾಡಲು ಕೆಲವು ವಸ್ತು ಬೇಕಾಗಿದೆ. ಅವು ಯಾವುವೆಂದರೆ ಈ ಭೂಮಂಡಲವೆಲ್ಲಾ ಗಡಗಡನೆ ನಡುಗುವಂತೆ ಶಬ್ಧಮಾಡುವ ಹಾಲಿನ ಬಣ್ಣದಂತೆ ಬೆಳ್ಳಗಿರುವ ನಿನ್ನ ಪಾಂಚಜನ್ಯದಂತಹ ಶಂಖಗಳು, ಢಕ್ಕಿವಾದ್ಯಗಳು, ಸ್ತುತಿ ಪಾಠಕರು, ಪಂಗಳದೀಪಗಳು, ಧ್ವಜಪತಾಕೆಗಳು, ಇವುಗಳೆಲ್ಲವನ್ನೂ ವಟಪತ್ರಶಾಯಿಯಾದ ಸ್ವಾಮಿಯೇ! ನೀನು ಕೃಪೆತೋರಿ ನಮಗೆ ಅನುಗ್ರಹಿಸು.

ತಿರುಪ್ಪಾವೈ- ಶ್ರೀ ಬಿ. ಶ್ರೀರಾಮಮೂರ್ತಿ ಯವರಿಂದ

ಪದ್ಯ - ೨೫
ಓ ದೇವ! ಪರಮ ಭಾಗ್ಯವತಿಯಾದ ದೇವಕಿ ದೇವಿಗೆ ಮಗನಾಗಿ ಹುಟ್ಟಿ ಅದೇ ರಾತ್ರಿಯೇ ಬೇರೊಬ್ಬ ತಾಯಿ ಯಶೋದೆಗೆ ಅತ್ಯಂತ ಮುದ್ದು ಕಂದನಾಗಿ ರಹಸ್ಯವಾಗಿ ಗೋಕುಲದಲ್ಲಿ ಶುಕ್ಲಪಕ್ಷದ ಚಂದ್ರನಂತೆ ದಿನೇದಿನೇ ವೃದ್ಧಿ ಹೊಂದುತ್ತಾ ಪ್ರಕಾಶಿಸುತ್ತಿರಲು ಗೂಢಚಾರರಿಂದ ಈ ವಿಷಯವರಿತು ನಿನಗೆ ದ್ರೋಹ ಬಗೆಯಲು ಪ್ರಯತ್ನಿಸಿದ ಕಂಸಾಸುರನ ದುರ್ಮಾರ್ಗವನ್ನು ವ್ಯರ್ಥಗೊಳಿಸಿ ಅವನ ಎದೆಯನ್ನು ತುಳಿದ ಓ! ಗೋಪಾಲ! ನಾವೆಲ್ಲ ಭಕ್ತಿಯಿಂದ ಪ್ರಾರ್ಥಿಸುತ್ತಾ ನಿನ್ನನ್ನು ಸೇರಿದ್ದೇವೆ. ನಮ್ಮ ಮನೋವ್ಯಥೆಗಳನ್ನೆಲ್ಲಾ ದೂರಮಾಡಿ ಆನಂದವನ್ನು ಅನುಗ್ರಹಿಸಿದರೆ ನಮ್ಮ ವ್ರತವು ಶುಭವಾಗಿ ನೆರವೇರುತ್ತದೆ.

tiruppaavai lectures by Sri B. Sree Rma Murthy

ಪದ್ಯ - ೨೪.
ತ್ರಿವಿಕ್ರಮಾವತಾರದಲ್ಲಿ ಲೋಕಗಳನ್ನೆಲ್ಲಾ ಅಳೆದ ನಿಮ್ಮ ದಿವ್ಯ ಪಾದಗಳಿಗೆ ಮಂಗಳವು.ರಾಮಾವತಾರದಲ್ಲಿ, ಲಂಕೆಯವರೆಗೂ ನಡೆದು ಬಂದು ರಾಕ್ಷ್ಸರ ಸಂಹಾರವನ್ನು ಮಾಡಿದ ನಿಮ್ಮ್ಮ ಪಾದಗಳಿಗೆ ಮಂಗಳವು. ಶಕಟಾಸುರನನ್ನು ಪಾದಗಳಿಂದ ಒದ್ದು ಸಂಹಾರಮಾಡಿದ ನಿಮ್ಮ ಪಾದಗಳಿಗೆ ಮಂಗಳವಾಗಲಿ.ಗೋವರ್ಧನ ಗಿರಿಯನ್ನು ಎತ್ತಿ ಹಿಡಿದ ನಿನ್ನ ಆಶ್ರಿತವಾತ್ಸಲ್ಯ ಗುಣಕ್ಕೆ ಮಂಗಳವಾಗಲಿ. ಶತೃಗಳನ್ನು ಜಯಿಸಿ ನಿರಸನ ಮಾಡಿದ ನಿನ್ನ ಕೈಯಲ್ಲಿರುವ ವೇಲಾಯುಧಕ್ಕೆ ಮಂಗಳವಾಗಲಿ. ಈ ರೀತಿಯಾಗಿ ನಿಮ್ಮ ಗುಣಗಾನ ಮಾಡುತ್ತಾ ನಾವು ಬಂದಿದ್ದೇವೆ.ನೀನು ನಮಗೆ ಕೃಪೆ ಮಾಡಿ ಅನುಗ್ರಹಿಸು. ನಮ್ಮ ವಿಲಕ್ಷಣ ವ್ರತವು ಶುಭವಾಗಿ ನೆರವೇರುವುದು.

tiruppaavai lecture by Sri B. Sree Rama Murthy

ಪದ್ಯ-೨೩
ಮಳೆಗಾಲದಲ್ಲಿ ಪರ್ವತದ ಒಂದು ಗುಹೆಯಲ್ಲಿ ಹೆಣ್ಣು ಸಿಂಹದ ತೆಕ್ಕೆಯಲ್ಲಿ ಮಲಗಿ ಸುಖವಾಗಿ ನಿದ್ರಿಸುವ ಸಿಂಹವು ನಿದ್ರೆಯಿಂದ ಯೆಚ್ಚೆತ್ತು ಗಾಂಭೀರ್ಯದಿಂದ ಕಣ್ಣುಗಳನ್ನು ತೆರೆದು ನೋಡುತತ್ತಾ ಶರೀರವು ರೋಮಾಂಚನದಿಂದ ಎಲ್ಲ ಕಡೆಗೂ ಮೈಯನ್ನು ಒದರಿಕೊಂಡು ಮೈಮುರಿದು ನಿಂತು ಗರ್ಜಿಸುತ್ತಾ ಹೊರಗೆ ಹೊರಟುಬರುವಂತೆ, ಓ ಸ್ವಾಮೀ,ನೀನು ನಿನ್ನ ಮಂದಿರದಿಂದ ಆಚೆಗೆ ಬಂದು ಶ್ರೇಷ್ಟವಾದ ಸಿಂಹಾಸನ ದಲ್ಲಿ ಮಂಡಿಸಿ ನಮ್ಮಾ ಕಾರ್ಯವನ್ನು ವಿಚಾರಿಸಿ, ಪರ್ಯಾಲೋಚಿಸಿ, ನಮಗೆ ಕೃಪೆಮಾಡು. ನಮ್ಮ ಅದ್ವಿತೀಯವಾದ ವ್ರತವು ಶುಭವಾಗಿ ನೆರವೇರುವುದು.

Thiruppaavai - 22

ಪದ್ಯ-೨೨.
ಸಂಪತ್ಭರಿತವಾದ ವಿಶಾಲವಾದ ರಾಜ್ಯದ ರಾಜರುಗಳು ಸೋತುಹೋಗಿ ಅವರ ಅಹಂಕಾರವೆಲ್ಲಾ ನಾಶವಾಗಿ, ನೀನೇ ಗತಿಯೆಂದು ನಿನ್ನ ಮಂಚದ ಬಳಿ ಗುಂಪಾಗಿ ಸೇರಿರುತ್ತಾರೆ. ಹಾಗೆಯೇ, ನಾವೂ ಬಂದು ನಿನ್ನನ್ನು ಆಶ್ರಯಿಸಿದ್ದೇವೆ. ಕೊಂಕಿಣಿ ಎಂಬ ಆಭರಣದಂತೆ ವಿಕಸಿತವಾದ ಅರಳಿದ ತಾವರೇ ಪುಷ್ಪದಂತೆ ಕೆಂಪಾದ ಕಣ್ಣುಗಳುಳ್ಳ ನಿನ್ನ ಕಟಾಕ್ಷವನ್ನು ನಮ್ಮ ಮೇಲೆ ಸ್ವಲ್ಪ ಸ್ವಲ್ಪ ವಾಗಿ ಬೀರಬಾರದೇ? ಚಂದ್ರನೂ, ಸೂರ್ಯನೂ ನಿನ್ನ ರಮ್ಯವಾದ ನೇತ್ರಗಳ ಮೂಲಕ ಉದಯಿಸಿದಂತೆ ಆ ಮೂಲಕ ನಿನ್ನ ಕಟಾಕ್ಷವನ್ನು ನಮ್ಮ ಮೇಲೆ ಬೀರಿದರೆ ನಮ್ಮ ಪಾಪಗಳೆಲ್ಲಾ ನಾಶವಾಗುತ್ತವೆ. ನಮ್ಮ ಈ ವ್ರತವು ಶುಭವಾಗಿ ನೆರವೇರುತ್ತದೆ.

Thiruppaavai-21

ಪದ್ಯ-೨೧
ಹಾಲಿನ ಪಾತ್ರೆಗಳೆಲ್ಲಾ ತುಂಬಿ ಹಾಲು ಉಕ್ಕಿ ನೆಲದಮೇಲೆ ಹರಿಯುವಂತಹ ಉತ್ತಮವಾದ ಗೋ ಸಂಪತ್ತನ್ನು ಪಡೆದಿರುವ ನಂದಗೋಪನ ಪುತ್ರನೇ, ಶ್ರೀ ಕೃಷ್ಣ ಪರಮಾತ್ಮನೇ, ನಿದ್ರೆಯಿಂದ ಏಳು, ನಿನಗೆ ಶುಭೋದಯವಾಗಲಿ. ಆಶ್ರಿತ ರಕ್ಷಕನೇ, ಆಪದ್ಭಾಂದವನೇ, ಪರಬ್ರಹ್ಮ ಪರಾತ್ಪರನೇ, ವೇದವೇದ್ಯನೇ, ಎಲ್ಲರೂ ನಿನ್ನ ದರ್ಶನ ಮಾತ್ರದಿಂದಲೇ ಧನ್ಯರಾಗುವಂತೆ ಕರುಣಿಸುವ ಅವತಾರ ಮೂರ್ತಿಯೇ, ನಿನಗೆ ಸುಪ್ರಭಾತ. ಶತೃಗಳೆಲ್ಲಾ ನಿನಗೆ ಸೋತು ಶರಣಾಗತರಾಗಿ ನಿನ್ನ ಮನೆಯ ಮುಂದೆ ನಿಂತು ನಿನ್ನ ಚರಣಕಮಲಗಳೇ ಗತಿ ಎಂದು ನಂಬಿ ಆಶ್ರಯಿಸಿದ್ದಾರೆ. ಅದೇ ರೀತಿ ನಾವು ನಿನ್ನ ಅನಂತ ಕಲ್ಯಾಣ ಗುಣ ಸಂಪದಗಳನ್ನು ಕೊಂಡಾಡುತ್ತಾ ಮಂಗಳ ಹಾಡಲು ಬಂದಿದ್ದೇವೆ. ಇದರಿಂದ ನಮ್ಮ ವ್ರತವು ಸಿದ್ದಿಸುವುದು.

thiruppaavai -20

ಪದ್ಯ - ೨೦
ಮೂವತ್ತುಮೂರು ಕೋಟಿ ದೇವತೆಗಳಿಗೆ ನೀನೇ ಮುಂದಾಗಿ ಹೋಗಿ ಅವರ ಭಯವನ್ನು ನಿವಾರಣೆ ಮಾಡುವ ಸಾಮರ್ಥ್ಯವುಳ್ಳ ಪರಮಾತ್ಮನೇ!, ನಿದ್ರೆಯಿಂದ ಎದ್ದು ಬಾ. ಪರಾಕ್ರಮಶಾಲಿಯೇ, ತೇಜಸ್ಸುಳ್ಳ ಪ್ರಭುವೇ, ಶತೃಗಳಿಗೆಲ್ಲಾ ಭಯವುಂಟುಮಾಡುವವನೇ, ನಿರ್ಮಲಾಕಾರನೇ, ನೀನು ನಿದ್ರೆಯಿಂದ ಎದ್ದು ಬೇಗ ಬಾ. ಕಲಶಗಳಂತೆ ಸ್ತನಗಳುಳ್ಳ ಕೆಂಪಾದ ಅಧರವುಳ್ಳ ಸುಂದರವಾದ ಮಧ್ಯ ಪ್ರದೇಶವುಳ್ಳ ನಪ್ಪಿನ್ನಾದೇವಿಯೇ, ಶ್ರೀದೇವಿಯೇ, ನೀನು ನಿದ್ರೆ ಬಿಟ್ಟು ಏಳುವವಳಾಗು. ನಮ್ಮ ವ್ರತಕ್ಕೆ ಬೇಕಾದ ಕನ್ನಡಿ, ಬೀಸಣಿಗೆ ಮುಂತಾದುವನ್ನು ಕೊಟ್ಟು ನಾವು ನಿನ್ನ ಪತಿಯಾದ ಭಗವಂತನ ಅನುಗ್ರಹವನ್ನು, ಅಂದರೆ, ಭಗವದಾನುಭವವನ್ನು ಈಗಲೇ ಪಡೆಯುವಂತೆ ಅನುಗ್ರಹಿಸು. ಆಗ ಅದ್ವಿತೀಯವಾದ ನಮ್ಮ ವ್ರತವು ಶುಭವಾಗಿ ನೆರೆವೇರುತ್ತದೆ.

tiruppaavai - by Sri B. Sree Rama Murthy

ಪದ್ಯ - ೧೯
ಪ್ರಕಾಶಮಾನವಾಗಿ ಉರಿಯುತ್ತಿರುವ ದೀಪಗಳು ದಂತದ ಕಾಲುಗಳುಳ್ಳ ಮಂಚದಮೇಲೆ ಮೆತ್ತಗಿರುವ ಹಾಸಿಗೆಯಮೇಲೆ ಹತ್ತಿ ಹೂಗೊಂಚಲಿಂದ ಅಲಂಕೃತವಾದ ಕೇಶಪಡೆದ ನೀಳಾದೇವಿಯ ಭಕ್ತಿ ಜ್ನಾನಗಳನ್ನು ಆಶ್ರಯಿಸಿ ಶಯನಮಾಡಿಕೊಂಡಿರುವ ವಿಶಾಲವಕ್ಷಸ್ಥಳವನ್ನು ಪಡೆದ ಪರಮಾತ್ಮ! ನೀನು ಬಾಯಿತೆಗೆದು ಮಾತನಾಡು. ಅಂಜನವನ್ನು ಧರಿಸಿದ ನೇತ್ರಗಳುಳ್ಳ ನಪ್ಪಿನ್ನಾದೇವಿಯೇ! ನೀನು ನಿನ್ನ ಪತಿಯನ್ನು ಎಷ್ಟುಹೊತ್ತಾದರೂ ಏಳಲುಬಿಡುತ್ತಿಲ್ಲವೇ? ಸ್ವಲ್ಪಕಾಲವೂ ಅವನ ಅಗಲಿಕೆ ಸಹಿಸಲಾರೆಯಾ? ಇದು ನಿನ್ನ ಸ್ವರೂಪಕ್ಕೂ ಸ್ವಭಾವಕ್ಕೂ ಸರಿಹೊಂದುವುದಿಲ್ಲ. ಆದ್ದರಿಂದ ನೀನು ಬೇಗ ಎದ್ದು ಬಂದು ಪರಮಾತ್ಮನ ಅನುಗ್ರಹವಾಗುವಂತೆ ಮಾಡಿದರೆ ನಮ್ಮ ಅದ್ವಿತೀಯವಾದ ವ್ರತವು ಶುಭವಾಗಿ ನೆರವೇರುವುದು.

Tiruppaavai lectures by Sri B. Sree Rama Murthy

ಪದ್ಯ - ೧೮.
ಮದಿಸಿದ ಆನೆಯನ್ನು ತಳ್ಳುವ ಬಲವುಳ್ಳವನು, ಯುದ್ಧರಂಗದಲ್ಲಿ ಹಿಂತಿರುಗದವನೂ ಆದ ಗೋಪಾಲನ ಸೊಸೆಯಾದ ನಪ್ಪಿನ್ನಾದೇವಿಯೇ, ಸುಗಂದವನ್ನು ಬೀರುವ ಕೇಶರಾಶಿಯನ್ನುಳ್ಳವಳೇ, ಬಾಗಿಲಿನ ಚಿಲಕವನ್ನು ತೆಗೆ, ಎಲ್ಲಾ ಕಡೆಗಳಲ್ಲಿಯೂ ಕೋಳಿಗಳು ಕೂಗುತ್ತಿವೆ ನೋಡು. ಮಾಧವೀಲತೆಯ ಚಪ್ಪರದ ಮೇಲೆ ಅನೇಕಸಲ ಕೋಗಿಲೆಗಳ ಸಮೂಹಗಳು ಕೂಗುತ್ತಿವೆ, ನೋಡು. ಚೆಂಡನ್ನು ಬೆರಳಿನಿಂದ ಹಿಡಿದಿರುವಳೇ! ನಿನ್ನ ಪತಿಯ ದಿವ್ಯ ನಾಮಗಳನ್ನು ನಾವು ಹಾಡುವುದಕ್ಕೋಸ್ಕರ ಕಮಲ ಪುಷ್ಪದಂತೆ ಕೆಂಪಾಗಿರುವ ಕೈಗಳಿಂದ ಸುಂದರವಾದ ನಿನ್ನ ಕೈಬಳೆಗಳು ಶಬ್ದಮಾಡುತ್ತಿರಲಾಗಿ ಸಂತೋಷದಿಂದ ಬಂದು ಬಾಗಿಲನ್ನು ತಗೆ. ನಮ್ಮ ಅದ್ವಿತೀಯವಾದ ವ್ರತವು ಶುಭವಾಗಿ ನೆರವೇರುವುದು.

tiruppaavai lecture by Sri B. Sree Rama Murthy

ಪದ್ಯ - ೧೭
ಉಡಲು ವಸ್ತ್ರಗಳನ್ನೂ ಕುಡಿಯಲು ತಣ್ಣೀರನ್ನೂ, ಭುಜಿಸಲು ಅನ್ನವನ್ನೂ, ಸಮೃದ್ಧವಾಗಿ ದಾನಮಾಡುವ, ನಮಗೆಲ್ಲಾ ಒಡೆಯನಾದ ನಂದಗೋಪಾಲನೇ ಏಳಿರಿ! ಹೆಂಗಸರಿಗೆಲ್ಲ್ಲಾ ನಾಯಕಿಯಾಗಿ ಗೋಪಕುಲಕ್ಕೇ ಕುಲದೀಪದಂತೆ ಪ್ರಕಾಶಿಸುತ್ತಿರುವ ಯಶೋದಾದೇವಿಯೇ, ಎಚ್ಚರಗೊಂಡು ಏಳುವವಳಾಗು. ಆಕಾಶವನ್ನು ಛೇದಿಸಿ ಎತ್ತರವಾಗಿ ಬೆಳೆದು ಲೋಕಗಳನ್ನೆಲ್ಲಾ ಅಳೆದ ದೇವಾದಿದೇವನೇ (ಶ್ರೀ ಕೃಷ್ಣ ಪರಮಾತ್ಮನೇ) ! ನಿದ್ರೆಯಿಂದ ಯೇಳುವವನಾಗು. ಕೆಂಪಾಗಿ ರಮ್ಯವಾಗಿರುವ ಪಾದ ಭೂಷಣಗಳನ್ನು ಧರಿಸಿರುವ ಪಾದಗಳುಳ್ಳ ಶ್ರೀಮಂತನಾದ ಬಲರಾಮನೇ! ನೀನೂ,ನಿನ್ನ ತಮ್ಮನೂ ನಿದ್ರೆಯಿಂದ ಏಳಿರಿ - ನಮ್ಮ ಅದ್ವಿತೀಯವಾದ ವ್ರತವು ಶುಭವಾಗಿ ನೆರವೇರುವುದು.

tiruppaavai lectures-by Sri B. Sree Rama Murthy

ಪದ್ಯ - ೧೬
ನಾಯಕನಾಗಿರುವ ಶ್ರೀ ನಂದಗೋಪಾಲನ ಮನೆಯ ಮಹಾದ್ವಾರವನ್ನು ಕಾಯುವವನೇ! ದ್ವಜ ಪಟಗಳಿಂದಲೂ, ತೋರಣಗಳಿಂದಲೂ ಅಲಂಕರಿಸಲ್ಪಟ್ಟ ಒಳಬಾಗಿಲನ್ನು ಕಾಯುವವನೇ! ಮಣಿಗಳಿಂದ ಅಲಂಕೃತವಾಗಿರುವ ಬಾಗಿಲಿನ ಕವಾಟವನ್ನು ತೆಗೆಯುವವನಾಗು. ಗೋಪ ಕುಲದ ಹೆಣ್ಣೂಮಕ್ಕಳಾದ ನಮಗೆ ಮಾಯಾ ಚೇಷ್ಟಿತನೂ, ನೀಲಮಣಿವರ್ಣವುಳ್ಳವನೂ, ಆದ ಶ್ರೀ ಕೃಷ್ಣನು ಘೋಷಿಸುವ ಪರೈ ಎಂಬ ವಾದ್ಯವನ್ನು ಕೊಡುವುದಾಗಿ ನಿನ್ನೆಯೇ ವಾಗ್ದಾನ ಮಾಡಿದ್ದಾನೆ. ಅವನಿಗೆ ಸುಪ್ರಭಾತ ಹಾಡಲು ಬಂದಿದ್ದೇನೆ. ಆದ್ದರಿಂದ, ಸ್ವಾಮಿಯೇ, ಮೊಟ್ಟಮೊದಲೇ ನಮ್ಮನ್ನು ತಡೆಯಬೇಡ. ಭದ್ರವಾಗಿರುವ ಈ ಮುಂಬಾಗಿಲನ್ನು ನೀನೇ ತೆಗೆಯಬೇಕು. ನಮ್ಮ ಅದ್ವಿತೀಯವಾದ ವ್ರತವು ಶುಭವಾಗಿ ಫಲಿಸುವುದು.

tiruppaavai by Sri B.Sree Rama Murthy

ಪದ್ಯ - ೧೫
ಈ ಪದ್ಯವು ಮನೆಯ ಹೊರಗಿರುವ ಮತ್ತು ಒಳಗಿರುವ ಗೋಪಿಯರಿಗೆ ನೆಡೆದ ಸಂಭಾಷಣೆ:ಹೊರಗಿರುವ ಗೋಪಿಯರು: ಎಲೈ ಗಿಳಿಯಂತೆ ಮಾತನಾಡುವವಳೇ! ಇನ್ನೂ ಮಲಗಿರುವೆಯಾ?ಒಳಗಿರುವ ಗೋಪಿ: ನನ್ನನ್ನು ಕೋಪದಿಂದ ಕೂಗಬೇಡಿರಿ. ನಾನಾಗಿಯೇ ಹೊರಟುಬರುತ್ತೇನೆ.ಹೊ.ಗೋ : ಸಮರ್ಥಳಾದ ನಿನ್ನ ಚಮತ್ಕಾರದ ಮಾತುಗಳನ್ನೂ, ನಿನ್ನ ವಾಕ್ ಚಾತುರ್ಯವನ್ನೂ ನಾವು ಮೊದಲೇ ತಿಳಿದಿದ್ದೇವೆ.ಒ.ಗೋ : ನೀವು ಬಹಳ ಸಾಮರ್ಥ್ಯವುಳ್ಳವರು. ನನ್ನದೇ ತಪ್ಪು ಎಂದು ಭಾವಿಸಿ.ಹೊ.ಗೋ : ನಿನಗೇಕೆ ಬೇರೆಯಾದ ಭಗವದನುಗ್ರಹವಾಗಬೇಕು, ಬೇಗ ಹೊರಟು ಬಾ.ಒ.ಗೋ. : ಎಲ್ಲರೂ ಹೊರಟಾಯಿತೇ?ಹೊ.ಗೋ. : ಹೊರಟಿದ್ದಾರೆ. ನೀನು ಹೊರ ಬಂದು ಸೇರಿಕೋ.ಬಲಿಷ್ಟವಾದ ಕುವಲಯಾಪೀಡನೆಂಬ ಆನೆಯನ್ನು ಕೊಂದವನೂ, ಶತ್ರುಗಳ ಸಾಮರ್ಥ್ಯವನ್ನು ನಾಶಪಡಿಸಬಲ್ಲವನೂ, ಮಾಯಾಚೇಷ್ಟಿತನೂ ಆದ ಶ್ರೀ ಕೃಷ್ಣಪರಮಾತ್ಮನನ್ನು ಭಜಿಸೋಣ ಬಾ. ನಮ್ಮ ಅದ್ವಿತೀಯವಾದ ವ್ರತವು ಶುಭವಾಗಿ ನೆರವೇರುವುದು.

Tiruppaavai lectures by Sri B. Sree Rama Murthy

ಪದ್ಯ - ೧೪.
ನಿಮ್ಮ ಮನೆಯ ಹಿತ್ತಿಲ ತೋಟದ ಕೊಳದಲ್ಲಿರುವ ಕೆಂಪುತಾವರೆಗಳು ಅರಳಿ ಕನ್ನೈದಿಲೆಗಳು ಮುಚ್ಚಿಕೊಂಡಿರುವುದನ್ನು ಕಾಣು ಬಾ. ಕಾಷಾಯಾಂಬರ ಧಾರಿಗಳಾದ ಶುಭ್ರದಂತಿಗಳಾದ ಯತಿಗಳು ತಮ್ಮ ತಮ್ಮ ಮಠದ ದೇವಾಲಯದ ಬಾಗಿಲು ತೆಗೆಯಲು ಶಂಖನಾದ ಮಾಡಲು ಹೊರಟಿದ್ದಾರೆ. ನನ್ನನ್ನು ಈ ಮುಂಚೆಯೇ ಬಂದು ಎಬ್ಬಿಸುವುದಾಗಿ ಮಾತಕೊಟ್ಟಿದ್ದೆ. ಎಲೈ ಪರಿಪೂರ್ಣ ಸಂಪತ್ತು ಪಡೆದಿರುವವಳೇ, ಏಳುವವಳಾಗು. ಇನ್ನೂ ಮಲಗಿರುವೆಯಲ್ಲಾ ನಿನಗೆ ಲಜ್ಜೆಯಾಗುವುದಿಲ್ಲವೇ?ವಿಶಾಲ ಹಸ್ತಗಳಲ್ಲಿ ಶಂಖ, ಚಕ್ರ ಗಳನ್ನು ಧರಿಸಿರುವ ಪಂಕಜನೇತ್ರನಾದ ಶ್ರೀ ಕೃಷ್ಣನನ್ನು ಭಜಿಸಲು ಬಾ. ಆಗ ನಮ್ಮ ಈ ಅದ್ಭುತವ್ರತವು ಸಿದ್ಧಿಸುವುದು.

Tiruppavai lectures by Sri B. Sree Rama Murth

ಪದ್ಯ - ೧೩
ವ್ಯಕ್ತಿಯ ರೂಪದಲ್ಲಿ ಬಂದ ಬಕಾಸುರನ ಬಾಯನ್ನು ಸೀಳಿದ ಶ್ರೀ ಕೃಷ್ಣನ ಮತ್ತು ದುಷ್ಟರಾಕ್ಷಸನಾದ ರಾವಣನ ಶಿರಸ್ಸನ್ನು ಕತ್ತರಿಸಿದ ಶ್ರೀರಾಮನ ಕೀರ್ತನೆಯನ್ನು ಹಾಡುತ್ತಾ ಹೋಗಿ ಹೆಣ್ಣುಮಕ್ಕಳೆಲ್ಲರೂ ಸಂಕೇತಮಾಡಿಕೊಂಡಿದ್ದ ವ್ರತಸ್ಥಾನವನ್ನು ಹೋಗಿ ಸೇರಿದರು. ಶುಕ್ರನು ಉದಯಿಸಿದ್ದಾನೆ, ಗುರುವು ಅಸ್ತಮಿಸಿದ್ದಾನೆ. ಪಕ್ಷಿಗಳು ಎದ್ದು ಕೂಗುತ್ತಿವೆ. ಸುಂದರವಾದ ಕಣ್ಣುಗಳುಳ್ಳವಳೇ, ಬೆಳಗಾಗಿರುವುದನ್ನು ಗಮನಿಸು. ಅತಿ ಶೀತಲವಾಗಿರುವ ನೀರಿನಲ್ಲಿ ಮುಳಗಿ ಸ್ನಾನಮಾಡಲಾರದೆ ಹಾಸಿಗೆಯಲ್ಲಿ ಮಲಗಿ ನಿದ್ರೆ ಮಾಡುತ್ತಿರುವೆಯಾ?ಹೆಣ್ಣುಮಗಳೇ, ನೀನು ಈ ಶುಭದಿನ, ಕಪಟ ಬುದ್ಧಿಯನ್ನು ಬಿಟ್ಟು ನಮ್ಮೊಂದಿಗೆ ಸೇರಿಕೊಂಡರೆ ನಮ್ಮ ಅದ್ವಿತೀಯವಾದ ವ್ರತವು ಶುಭವಾಗಿ ನೆರವೇರುವುದು.

Tiruppavai lectures by Sri B. Sree Rama Murthy

ಪದ್ಯ - ೧೨
ಎಳೆಯಕರುಗಳನ್ನು ಹೊಂದಿರುವ ಎಮ್ಮೆಗಳು ಹಾಲುಕರೆಯುವವರಿಲ್ಲದೆ ತಮ್ಮ ಕರುಗಳನ್ನು ನೆನೆಸಿಕೊಂಡು ಕನಿಕರದಿಂದ ತಮ್ಮ ಕೆಚ್ಚಲಿನಿಂದ ಒಂದೇ ಸಮನೆ ಹಾಲು ಸುರಿಸುತ್ತಿರಲು ಅದರಿಂದ ಕೆಸರಾಗಿ ಮನೆಯಲ್ಲಾ ನೆನೆಯಲ್ಪಡುವಹಾಗೆ ಭಗವದನುಭವವೆಂಬ ಒಳ್ಳೆಯ ಐಶ್ವರ್ಯವನ್ನು ಹೊಂದಿರುವವನ ತಂಗಿಯೇ, ನಮ್ಮ ತಲೆಯ ಮೇಲೆ ಮಂಜು ಬೀಳುತ್ತಿರಲು ನಿನ್ನ ಮನೆಯ ಬಾಗಿಲನ್ನು ಬಂದು ಸೇರಿ ಲಂಕಾಪುರಿಯ ರಾಜನಾದ ರಾವಣನನ್ನು ಸಂಹರಿಸಿದವನಾದ, ಭಕ್ತಪರಾಧೀನನಾದ ಶ್ರೀರಾಮನನ್ನು ಕುರಿತು ಹಾಡುತ್ತಿದ್ದಾಗ್ಯೂ ನೀನು ಬಾಯಿ ತೆಗೆಯದೆ ಸುಮ್ಮನಿರುವೆಯಲ್ಲಾ, ಇನ್ನಾದರೂ ಎದ್ದು ಬಾ. ಇದೆಂತಹಾ ಗಾಢನಿದ್ರೆ! ಎಲ್ಲಾ ಮನೆಯವರೂ ಇದನ್ನು ತಿಳಿಯುವಂತಾಗಿದೆ. ನೀನು ಎದ್ದು ಬಂದು ನಮ್ಮೊಡನೆ ಸೇರಿಕೊಂಡರೆ ನಮ್ಮ ಅದ್ವಿತೀಯವಾದ ವ್ರತವು ಸುಲಭವಾಗಿ ನೆರವೇರುವುದು.

Thiruppavai by Sri B. Sree Rama Murthy

ಪದ್ಯ - ೧೧.
ಕರು ಹಾಕಿದ ಅನೇಕ ಗೋವುಗಳ ಹಾಲು ಕರೆದು ಶತೃಗಳ ಬಿಲವನ್ನು ನಾಶ ಮಾಡಲು ದಂಡು ಕೊಂಡೊಯ್ದು ಯುದ್ಧಮಾಡಬಲ್ಲ ನಿರ್ದೋಷಿಗಳಾದ ಗೋಪಾಲರವಂಶಕ್ಕೆ ಚಿನ್ನದಬಳ್ಳಿಯಂತೆ ಕಾಂತಿ ತರುವವಳೇ, ಹುತ್ತದಲ್ಲಿನ ಹಾವಿನಂತೆ ಸುಂದರ ನಿತಂಬವುಳ್ಳವಳೇ, ಕಾಡುನವಿಲಿನ ಗರಿಯಂತೆ ನೀಳ ಕೇಶವುಳ್ಳವಳೇನೀನು ಎದ್ದು ಹೊರಟು ಬಾ. ಸುತ್ತಮುತ್ತಿನ ಸಖಿಯರು ಎಲ್ಲರೂ ಬಂದು ನಿನ್ನ ಮನೆಯ ಅಂಗಳದಲ್ಲಿ ನಿಂತು ಮೇಘ ವರ್ಣನಾದ ಭಗವಂತನ ನಾಮ ಸಂಕೀರ್ತನೆಮಾಡಿದರೂ ವಿಚಲಿಸದೇ ಮಾತನಾಡದೇ, ಸುಮ್ಮನಿರುವ ಪರಮ ಐಶ್ವರ್ಯವುಳ್ಳ ಸ್ತ್ರೀಯೇ, ಇನ್ನೂ ಏಕೆ ನಿದ್ರಿಸುವೆ? ಎದ್ದು ಬಂದು ನಮ್ಮೊಡನೆ ಸೇರಿಕೊ.ನಮ್ಮವ್ರತವು ಸಿದ್ದಿಸಲಿ.

Thiruppavai by Sri B. Sree Rama Murthy

ಪದ್ಯ - ೧೦
ವ್ರತಾಚರಣೆಮಾಡಿ ಸ್ವರ್ಗಕ್ಕೆ ಹೋಗಬಲ್ಲ ಒಡತಿಯೇ! ಬಾಗಿಲನ್ನು ಒಂದು ವೇಳೆ ತೆರೆಯದಿದ್ದರೂ ಮಾತನ್ನಾದರೂ ಆಡಲೊಲ್ಲೆಯಾ?ಸುಗಂಧದಿಂದೊಡಗೂಡಿದ ತುಳಸೀಮಾಲೆಯನ್ನು ಕಂಠದಲ್ಲಿ ಧರಿಸಿರುವ ಶ್ರೀಮನ್ನಾರಯಣನು ನಮ್ಮಿಂದ ಸ್ತುತಿಸಲ್ಪಟ್ಟು ನಮಗೆ ವಾದ್ಯವಿಶೇಷವನ್ನುಕೈಂಕರ್ಯಕ್ಕಾಗಿ ಅನುಗ್ರಹಿಸುವನು. ಇಂಥ ಪುಣ್ಯ ಪುರುಷನಿಂದ ಹಿಂದೆ, ರಾಮಾವತಾರದಲ್ಲಿ, ಯಮನ ಪಾಯಿಗೆ ತುತ್ತಿನಂತೆ ತಳ್ಳಲ್ಪಟ್ಟ ಕುಂಭಕರ್ಣನೂ ನಿನಗೆ ಸೋತು ತನ್ನ ನಿದ್ರಾವ್ರತವನ್ನು ನಿನಗೆ ಕೊಟ್ಟು ಹೋಗಿರುವನೇ? ಅತಿ ನಿದ್ರೆಯುಳ್ಳವಳೇ! ಆದರೆ ನಮ್ಮಗೋಷ್ಟಿಗೆ ಶ್ರೇಷ್ಟ ಆಭರಣದಂತಿರುವವಳೇ, ಎದ್ದುನಿದ್ರೆ ತೊರೆದು ಬಂದು ಬಾಗಿಲನ್ನು ತೆರೆದು ನಮ್ಮೊಂದಿಗೆ ಸೇರಿಕೋ. ಆಗ ನಮ್ಮ ಈ ವಿಲಕ್ಷಣ ವ್ರತವು ಸಿದ್ಧಿಸುತ್ತದೆ.

Tiruppaavai lectures by Sri B. Sree Rama Murthy

ಪದ್ಯ - ೯
ಪ್ರಶಸ್ತವಾದ ರತ್ನಗಳಿಂದ ರಚಿತವಾದ ಮಾಳಿಗೆಯಮೇಲೆ ಸುತ್ತಲೂ ದೀಪಗಳು ಜ್ವಲಿಸುತ್ತಾ, ಒಳಗೆಲ್ಲಾ ಧೂಪದ ಪರಿಮಳವು ಘಮಘಮಿಸುತ್ತಿರಲು, ಮೆತ್ತನೆಯ ಹಾಸಿಗೆಯಮೇಲೆ ಮಲಗಿರುವ ಮಾವನ ಮಗಳೇ, ಮಣಿ ಮಯವಾದ ಬಾಗಿಲ ಚಿಲಕವನ್ನು ತೆರೆ. ಸೋದರತ್ತೆಯೇ, ನೀನಾದರೂ ಅವಳನ್ನು ಎಬ್ಬಿಸು. ನಿಮ್ಮ ಮಗಳೇನು ಮೂಕಿಯೇ, ಕಿವುಡಳೇ, ಜಾಡ್ಯಪೀಡಿತಳೇ ಅಥವಾ ಯಾರದಾದರೂ ಮಂತ್ರಕ್ಕೆ ಒಳಪಟ್ಟಿರುವಳೋ? ಏನಿದು ಗಾಢ ನಿದ್ರೆ! ಇವಳಿಗೆ ಅತ್ಯಂತ ಮಾಯಾಶಕ್ತಿಯುಳ್ಳ್ಳವನೂ ಲಕ್ಷ್ಮೀಪತಿಯೂ ಆದ ನಮ್ಮ ಶ್ರೀ ವೈಕುಂಠನಾಥನು ಅವನ ಅನೇಕ ಶ್ರೀ ನಾಮಗಳನ್ನು ಪದೇ ಪದೇ ಸಂಕೀರ್ತನೆ ಮಾಡಿದರೆ ಈ ನಮ್ಮ ವಿಲಕ್ಷಣ ವ್ರತವು ಸಿದ್ದಿಸುವುದೆಂದು ತಿಳಿದಿಲ್ಲವೇ.

Tiruppavai lectures by Sri B. Sree Rama Murthy

ಪದ್ಯ - ೮
ಕುತೋಹಲ ಕಾರಿಯಾದ ಹೆಣ್ಮಗಳೇ! ಪೂರ್ವ ದಿಕ್ಕಿನಲ್ಲಿ ಆಕಾಶವು ಬಿಳುಪಾಗಿರುವುದರಿಂದ ಎಮ್ಮೆಗಳು ಎಳೆ ಗರಿಕೆ ಹುಲ್ಲನ್ನು ಮೇಯಲು ಹೊರಟಿವೆ ನೋಡು.ಹೋಗಲು ಸಿದ್ಧರಾಗಿದ್ದ ಇತರ ಎಲ್ಲಾ ಹೆಣ್ಣುಮಕ್ಕಳನ್ನೂ ಹೋಗದಂತೆ ತಡೆದು ನಿನ್ನನ್ನು ಕೂಗಲು ನಾವು ಬಂದಿದ್ದೇವೆ. ನೀನು ಎದ್ದು ಬಾ. ನಾವು ಪರಮಾತ್ಮನನ್ನು ಸ್ತೋತ್ರ ಮಾಡಿ ಹಾಡಿ, ಪರೈ ಎಂಬ ಆಯುಧವನ್ನು ಪಡೆದು ಕೇಶಿ ಎಂಬ ಅಸುರನ ಬಾಯನ್ನು ಸೀಳಿದವನೂ, ಮಲ್ಲರನ್ನು ಸೋಲಿಸಿದವನೂ, ಆದ ಶ್ರೀ ಕೃಷ್ಣನ ಬಳಿಗೆ ಹೋಗಿ ಅತನಿಗೆ ನಮಸ್ಕರಿಸಿದರೆ, ಅವನು ನಮ್ಮ ಕೊರತೆಗಳನ್ನೆಲ್ಲಾ ವಿಚಾರಿಸಿ, ಮನ ಕರಗಿದವನಾಗಿ ನಮ್ಮ ಇಷ್ಟಾರ್ಥಗಳನ್ನು ಅರಿತು ಕೃಪೆಮಾಡುವನು. ನಮ್ಮ ಅದ್ವಿತೀಯ ವ್ರತವು ಶುಭವಾಗಿ ನೆರೆವೇರುವುದು.

Tiruppaavai Lectures by Sri B. Sree Rama Murthy

ಪದ್ಯ - ೭
ಭಾರದ್ವಾಜ ಪಕ್ಷಿಗಳ "ಕೀಶು ಕೀಶು" ಎಂಬ ಶಬ್ದಗಳು ನಿನಗೆ ಕೇಳಿಸುತ್ತಿಲ್ಲವೇ? ಬೆಳಗಾಯಿತೆನ್ನಲು ಇದು ಸೂಚನೆಯಲ್ಲವೇ: ಎಲೈ ಹುಚ್ಚು ಹುಡುಗಿ! ಸುಗಂಧ ಕೇಶವುಳ್ಳ ಗೋಪಿಯರು ಪ್ರಭಾತಕಾಲದಲ್ಲಿ ಮೊಸರು ಕಡೆಯುತ್ತಿರುವಾಗ ಅವರ ಕಂಠದಲ್ಲಿರುವ ಆಭರಣಗಳು (ಅಚ್ಚುತಾಲಿ ಮತ್ತು ಆಮೆತಾಲಿಗಳು) ಕಲಕಲವೆಂದು ಶಬ್ಧಮಾಡುತ್ತಾ, ಕೈಬಳೆಗಳೂ ಸೇರಿಕೊಂಡು, ಮತ್ತಿನಿಂದ, ಮೊಸರು ಕಡೆಯುವ ಶಬ್ದವಾಗುತ್ತಿರುವುದು ನಿನಗೆ ಕೇಳಿಸಲಿಲ್ಲವೇ? ನಮಗೆ ಒಡತಿಯಸ್ಥಾನದಲ್ಲಿರುವ (ಸ್ವಾಮಿನಿಯಾದ) ಹೆಣ್ಣುಮಗಳೇ, ಶ್ರೀಮನ್ನಾರಾಯಣ ಮೂರ್ತಿ ಸ್ವರೂಪನೇ ಆದ ಶ್ರೀ ಕೇಶವನ್ನನ್ನು ಕುರಿತು ನಾವು ಹಾಡುತ್ತಿದ್ದರೂ ನೀನು ಕೇಳುತ್ತಲೇ ನಿದ್ರೆಮಾಡುತ್ತಿರುವಿಯೋ, ಹೇಗೆ? ತೇಜೋಮಯಳಾಗಿ ಬಂದು ಬಾಗಿಲನ್ನು ತೆರೆ. ನಮ್ಮ ಈ ವಿಲಕ್ಷಣ ವ್ರತವು ಸಿದ್ಧಿಸಲಿ.

ತಿರುಪ್ಪಾವೈ-ಶ್ರೀ ಬಿ.ಶ್ರೀರಾಮಮೂರ್ತಿಯವರಿಂದ ಉಪನ್ಯಾಸ.

ಪದ್ಯ -೬
ಏನೂ ಅರಿಯದ ಓ! ಚಿಕ್ಕ ಹುಡುಗಿಯೇ! ಬೆಳಗಾಯಿತು. ಪಕ್ಷಿಗಳು ಕೂಡಾ ಚಿಲಿಪಿಲಿಗುಟ್ಟುತ್ತಾ ಶಬ್ದಮಾಡುತ್ತಿವೆ. ಪಕ್ಷಿರಾಜನಾದ ಗರುಡನಿಗೆ ಪ್ರಭುವಾಗಿರುವ ಪರಮಾತ್ಮನ ದೇವಾಲಯದಲ್ಲಿ ಬಿಳಿಯ ಶಂಖದ ಮಹಾನಾದವನ್ನು ಕೇಳಲಿಲ್ಲವೇ? ಬೇಗ ಏಳುವವಳಾಗು. ರಾಕ್ಷಸಿಯಾದ ಪೂತನಿಯ ವಿಷಭರಿತವಾದ ಸ್ತನ್ಯಪಾನಮಾಡಿ ಗಾಡಿಯರೂಪದಿಂದ ಬಂದ ವಂಚಕ ಶಕಟಾಸುರನನ್ನು ಅವನ ಬಲವೆಲ್ಲಾ ನಾಶವಾಗುವಂತೆ ಕಾಲಿನಿಂದ ಒದೆದು, ಕ್ಷೀರಾಬ್ದಿಯಲ್ಲಿ ಆದಿಶೇಷನಮೇಲೆ ಮಲಗಿ ಯೋಗನಿದ್ರೆಯಲ್ಲಿರುವ ಜಗತ್ಕಾರಣಿಭೂತನಾದ ಪರಮಾತ್ಮನನ್ನು, ಮನಸ್ಸಿನಲ್ಲಿ ಧ್ಯಾನಿಸುತ್ತಾ, ಮುನಿಗಳೂ, ಯೋಗಿಗಳೂ, ಮೆಲ್ಲನೆ ಎದ್ದು "ಹರಿ ಹರಿ" ಎಂದು ಹೇಳುವ ಮಹಾಘೋಷವು ನಮ್ಮ ಹೃದಯದೊಳಗೆ ಪ್ರವೇಶಿಸಿ ನಮ್ಮ ಮನಸ್ಸಿಗೆ ತಂಪನ್ನುಂಟುಮಾಡಿ ನಮ್ಮ ಸಂತಾಪವನ್ನು ಹೋಗಲಾಡಿಸಿದೆ. ನಮ್ಮ ಅದ್ವಿತೀಯವಾದ ಈ ವ್ರತವು ಶುಭವಾಗಿ ನೆರವೇರುತ್ತದೆ.

tiruppaavai-by Sri B. Sree Rama Murthy

ಪದ್ಯ -೫
ಉತ್ತರ ದೇಶದ ಮಥುರಾಪುರಿಯಲ್ಲಿ ಶಿಶುವಾಗಿ ಜನಿಸಿದ ಆಶ್ಚರ್ಯ ಗುಣ ಚೇಷ್ಟಿತನಾದ, ಪರಿಶುದ್ಢವೂ, ಅತ್ಯಧಿಕವೂ ಆದ ನೀರಿನಿಂದ ಕೂಡಿರುವ ಯಮುನಾನದಿಯತೀರ ಪ್ರದೇಶದಲ್ಲಿ ವಾಸಿಸುವವನೂ, ಗೊಲ್ಲರ ಕುಲದಲ್ಲಿ ಬಂದು ನಲಸಿ ಅದಕ್ಕೆ ಮಂಗಳಕರವಾದ ರತ್ನದೀಪದಂತಿರುವವನೂ, ತಾಯಿಯ ಉದರವನ್ನು ಪ್ರಕಾಶ ಪಡಿಸಿದವನೂ ಆದ ದಾಮೋದರನ ಬಳಿಗೆ, ಅಂದರೆ, ತಾನಾಗಿ ತಾಯಿ ಯೆಶೋದೆಯಿಂದ ಹಗ್ಗದಲ್ಲಿ ಕಟ್ಟಿಸಿಕೊಂಡು ಅವಳಿಗೆ ಅತ್ಯಂತ ಸುಲಭನಾಗಿರುವ ಶ್ರೀ ಕೃಷ್ಣನ ಬಳಿಗೆ ನಾವು ಪರಿಶುದ್ಧರಾಗಿ ಬಂದು ಶುದ್ಧವಾದ ಪುಷ್ಪಗಳನ್ನು ಅವನಿಗೆ ಸಮರ್ಪಿಸಿ ಬಾಯಿಂದ ಅವನ ಕಲ್ಯಾಣ ಗುಣಗಳನ್ನು ಹಾಡಿ ಮನಸ್ಸಿನಿಂದ ಅವನನ್ನೇ ಚಿಂತಿಸುತ್ತಿದ್ದರೆ ಹಿಂದೆ ನಾವು ಮಾಡಿದ ಪಾಪಗಳೂ, ಇಂದು ಮಾಡಿರುವ ಪಾಪಗಳೂ ಮತ್ತು ಮುಂದೆ ಮಾಡುವ ಪಾಪಗಳೂ ಎಲ್ಲವೂ ಬೆಂಕಿಯಲ್ಲಿಟ್ಟ ಹತ್ತಿಯಂತೆ ಸುಟ್ಟು ಭಸ್ಮವಾಗಿ ನಾಶವಾಗುವುವು. ಆದ್ದರಿಂದ ಅವನ ದಿವ್ಯ ನಾಮಸ್ಮರಣೆಮಾಡೋಣ. ಆಗ ನಮ್ಮ ಈ ವಿಲಕ್ಷಣವಾದ ವ್ರತವು ಸಾಂಗವಾಗಿ ಶುಭವಾಗಿ ನೆರೆವೇರುವುದು.